Charter Document - 06200207
| Charter Number: | 06200207 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1260 |
| Date type: | Internal, A.D. |
| Resource Link(s): |
|
Charter:
Sciant omnes presentes et futuri quod ego Heluidis dicta Carite de Mesnillo Soret de assensu et voluntate Willelmi de Killebeuf mariti mei presentis vendidi concessi et omnino dereliqui viris religiosis abbatis et conventui de Ulteriori Portu pro sexaginta et decem solidis turonensium quos inde per manibus habui novem solides turonensium annui redditus quos Johannes Bertin de Ulteriori Portu michi reddebat annuatim ad duos terminos videlicet quatuor solides et sex denarios ad Nativitatem beati Johannis Baptiste et totidem ad Natale Domini de quodam campo terre scito in territorio de Mesnillo Soret super falesiam inter terras dictorum religiosorum ex utraque parte sicuti se proportat a terra elemosinarii de Ulteriori Portu usque ad terram Leodegarii Deulewart percipiendos et habendos eisdem religiosis et eorum successoribus bene et in pace libere et quiete et ad faciendum exinde suam penitus voluntatem ita quod licebit de cetero dictis religiosis et eorum successoribus justiciam suam facere plenariam in dicto campo pro dicto redditu habendo singulis annis terminis prenotatis Et ego dicta Heluidis et ego etiam prenominatus Willelmus maritus dicte Heluidis dictis religiosis et eorum successoribus dictum annuum redditum contra omnes gentes tenemur garantizare et ab omnibus impedimentis et obligacionibus equitare salvo tamen jure dominico Quod ut firmum et stabile permaneat in futurum nos predicti Heluidis et Willelmus presenti carte sigilla nostra apposuimus Actum anno Domini MCCLX mense junio Testibus hiis magistro Johanne presbitero de Ulteriori Portu Ricardo le Page Waltero Forestario Gossone filio Fouke de Mesnil Val et Martino fratre suo et multis aliis
Source (click image below to view full size)
