Charter Document - 06200206

Noverint universi presentes litteras inspecturi quod ego Hosbertus dictus Barberi de Mesnillo Soret vendidi et concessi Ricardo le Page de Ulteriori Portu et Sarre uxori sue pro centum solidis turonensium quos inde per manibus habui unam pechiam terre sitam in territorio de Mesnillo Soret et vocatur le Campeel juxta campum Petri Carite ex una parte et juxta dotem Agnetis Deoe ex altera et aboutat ad terram Hugonis Billete ex uno sui termino et ad terram Thome de Penleio ex altero tenendam et habendam predictam pechiam terre predictis Ricardo et Sarre per totum cur sum vite sue libere quiete et pacifice Et sciendum est quod si dictus Ricardus ante dictam Sarram uxorem suam ab isto seculo migraret dicta Sarra teneret predictam pechiam terre per totum cursum vite sue et similiter si dicta Sarra ante dictum Ricardum ab isto seculo migraret dictus Ricardus teneret predictam pechiam terre per totum cursum vite sue et si contingent quod predicta terra remansisset abladiata qum ultimus dictorum Ricardi et Sarre ab isto seculo migraretur liceret heredibus aut executoribus ejus facere voluntatem suam de bladis dicte terre sicuti de proprio catallo dictorum Ricardi et Sarre Et ego predictus Hosbertus et heredes mei predictam pechiam terre sicut se comportat in longum et in latum predictis Ricardo et Sarre vel uni eorum per totum cursum vite sue fide nostra prestita corporali contra omnes tenemur garantizare super omnia bona nostra mobilia et immobilia ubicunque fuerint inventa salvo tamen jure dominico Quod hoc sit firmum et stabile ego predictus Hosbertus presentem cartam sigillo meo sigillavi Actum anno Domini MCC sexagesimo mense aprilis Testibus hiis Michale Carnifice Johanne Vinchent Thoma de Penleio Thoma de Calceia clerico Laurencio dicto Clarembout et aliis