Charter Document - 06200205
| Charter Number: | 06200205 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1260 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Galterus rector ecclesie Beati Martini de Aneillemare salutem in Domino Noveritis quod cum Nicholaus dictus Daniel de Aneillemare quasdam decimas perciperet et haberet in quibusdam terris sitis infra metas parrochie mee de Aneillemare quas in feodum tenebat ut dicebatur idem Nicholaus cupiens eas ad jus ecclesiasticum reverti volens etiam easdem potius ad personas transferri ecclesiasticas quam in manu retinere laicali omne jus quod sibi competebat vel competere poterat in decimis supradictis et in perceptione earumdem in manu reverendi patris O[donis] Dei gratia Rothomagensis archiepiscopi spontaneus resignavit renuntiando omni juri quod sibi aut ejus successoribus in eisdem decimis aut in perceptione earum competebat aut competere poterat in futurum supplicans eidem archiepiscopo ut ob salutem anime sue et animarum predecessorum suorum dictas decimas et jus percipiendi easdem in puram et perpetuam elemosinam conferret et assignaret viris religiosis abbati et conventui Sancti Michaelis de Ulteriori Portu Idem vero archiepiscopus easdem decimas et jus percipiendi easdem contulit et assignavit religiosis supradictis consensu meo interveniente volens quod iidem religiosi dictas decimas perpetuo habeant et percipiant in usus proprios ac utilitatem monasterii eorumdem convertendas In cujus rei testimonium presenti scripto sigillum meum apposui Actum Rothomagi anno Dominice Incarnationis MCCL nono die lune post Ramos Palmarum
Source (click image below to view full size)
