Charter Document - 06200204
| Charter Number: | 06200204 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Bequest |
| Date: | 1260 |
| Date type: | Internal, A.D., Feast |
| Resource Link(s): |
|
Charter:
Notum sit omnibus presentibus et futuris quod cum ego Nicholaus dictus Danyel de Aneillemara quasdam decimas perciperem et haberem singulis annis in quibusdam terris sitis infra metas parrochie de Aueillemara quas tenebam in feodum ab antiquo cupiens easdem decimas ad jus ecclesiasticum reverti et ad personas potius transferri ecclesiasticas quam in manu retinere laicali omne jus quod michi aut successoribus meis competebat vel competere poterat in decimis supradictis et in perceptione earumdem spontaneus resignavi in manu reverendi patris O[donis] Dei gratia archiepiscopi Rothomagensis loci dyocesiani quam resignationem idem reverendus pater recepit et acceptavit supplicans eidem ut dictas decimas et jus percipiendi easdem conferret et assignaret in puram et perpetuam elemosinam ob salutem anime mee et animarum predecessorum meorum viris religiosis abbati et conventui de Ulteriori Portu in utilitatem ipsorum et monasterii eorum convertendas Idem vero reverendus pater dictas decimas et jus percipiendi easdem me presente contulit et assignavit eisdem religiosis supradictis Galtero rectore dicte ecclesie de Aneillemara per litteras suas expressum prebente consensum Promisi insuper sub religione prestiti juramenti quod in dictis decimis aut in perceptione earumdem ego aut heredes mei nichil re clamabimus in futurum In cujus rei testimonium presenti scripto sigillum meum apposui Actum Rothomagi anno Domini MCCL nono die lune post Ramos Palmarum Testibus hiis magistris Ricardo de Salomonisvilla Petro de Albamalla et Johanne dicto Cholet canonicis Rothomagensibus fratre Nicholao Anglico fratre Rogero de Bosco monachis de Ulteriori Portu et Petro de Maisnillo senescallo domini archiepiscopi Rothomagensis Petro de Albamalla notario curie Rothomagensis Nicholao le Bouteillier et Johanne Goude et multis aliis
Source (click image below to view full size)
