Charter Document - 06200201

Notum sit omnibus presentibus et futuris quod ego Willelmus dictus Rufus de Kesneto vendidi et concessi dominis meis viris religiosis abbati et conventui de Ulteriori Portu sex solidos annui redditus super totum tenementum meum quod de ipsis tenebam apud Kesnetum ad campum et ad villam pro quinquaginta quinque solidis turonensium michi per manibus solutis et aboutavi Hugonem fratrem meum et heredes suos dictis abbati et conventui et successoribus eorum ad solvendum eisdem predictos sex solidos annuatim ad Nativitatem Domini quos sex solidos dictus Hugo et heredes sui michi et heredibus meis debebat ad predictum terminum de uno jornali terre de tenemento meo quod ei tradideram hereditarie tenendum quod adjacet ex uno sui latere ad terram meam est ex alio ad masuram Johannis Anglici et aboutat ex uno sui termino ad keminum ville et ex alio ad terram meam tenendos et habendos dictos sex solidos annui redditus dictis abbati et conventui et successoribus eorum et de dicto Hugone fratre meo et here[dibus] suis eisdem abbati et conventui et successoribus eorum annuatim ad predictum terminum persolvendos libere quiete et pacifice absque contra[diction]e vel reclamatione de me et heredibus meis et de dicto Hugone et heredibus suis de cetero facienda Et si dicti solidi sex annui redditus [a di]cto Hugone et heredibus suis ad terminum prenotatum non solverentur dicti abbas et conventus et successores eorum poterunt [nen]miare predictum jornale terre et totum aliud tenementum meum ubicumque fuerit ad campum et ad villam pro red[ditu] et pro emenda Hanc autem venditionem ego predictus Willelmus et mei heredes dictis abbati et conventui et successoribus eorum contra omnes tenemur garantizare In cujus rei testimonium presenti carte sigillum meum apposui Actum anno Domini MCCL nono mense septembris Testibus hiis domino Roberto presbitero de Horneio Petro Brien Leodegario Basset de Asigneio Picardo le Sourt carpentario Gaufrido de Vauchel et pluribus aliis