Charter Document - 06200195

Notum sit omnibus presentibus et futuris quod ego Osbertus Florie de Mesnillo Soret de consensu et voluntate Eremburgis Florie matris mee vendidi et penitus deserui dominis meis abbati et conventui de Ulterioris Portu pro trig inta quinque solidis turonensium per manibus michi solutis quatuor solidos annui redditus quos Nicholaus de Dampierre michi debebat annuatim ad festum Omnium Sanctorum persolvendos de uno jornali terre quod ex uno sui termino abboutat ad masuram dicti Nicholai apud Mesnillum Soret et ex alio sui termino ad campum Mathei Due et adjacet ex uno sui latere ad ortum Bernardi le Petit et ex alio ad ortum dicte Eremburgis tenendos et habendos dictos quatuor solidos annui redditus dictis abbati et conventui et de dicto Nicholao et heredibus suis eisdem abbati et conventui annuatim ad predictum terminum persolvendos libere quiete et pacifice absque contradictione mei vel heredum meorum super hoc de cetero facienda Et forte si dicti quatuor solidi ad terminum supradictum non solverentur dicti abbas et conventus poterunt facere justiciam suam pro predicto redditu et pro emenda super dictam masuram dicti Nicholai et super predictum jornale terre Hanc autem venditionem ego predictus Osbertus et heredes mei dictis abbati et conventui contra omnes in perpetuum tenemur garantizare In cujus rei testimonium presenti carte sigillum meum apposui et ad petitionem meam predicta Eremburgis mater mea et dictus Nicholaus de Dampierre in testimonium et concessionem omnium rerum predictarum quantum ad ipsos pertinet communiter vel particulariter presenti carte sigilla sua apposuerunt Actum anno Domini MCCL sexto mense martii Testibus hiis Johanne presbitero de Ulteriori Portu Thoma de Penleio de Mesnillo Soret Gossone de Mesnillo Val Roberto Goketi Johanne le Cat et aliis