Charter Document - 06200189
| Charter Number: | 06200189 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1252 |
| Date type: | Internal, A.D. |
| Resource Link(s): |
|
Charter:
Sciant omnes presentes et futuri quod ego Rogerus le Messier de Ulteriori Portu et ego Aelissa le Camberesse uxor dicti Rogeri pro necessitate nostra vendidimus et penitus deseruimus dominis nostris abbati et conventui de Ulteriori Portu pro decem libris turonensium de quibus nos tenemus pro pagatis quamdam pechiam terre in territorio de Kaisneto sitam inter terram Alani de Mesnilleio ex uno latere et ex alio latere jacet ad terminos curtillorum videlicet Willelmi Mauchion Milonis Wigot Willelmi Hubert et Willelmi dicti l'apostre et aboutat ad curtillum Johannis Balduini ex una parte et ad campum Albini Robes ex altera quam pechiam terre nos predicti Rogerus et Aelissa tenebamus de predictis abbate et conventu tanquam de dominis feodi illius tenendam et habendam dictam pechiam terre sicuti se proportat de longo in latum dictis abbati et conventui libere quiete pacifice et absolute ab omni exactione seculari absque reclamatione nostri vel heredum nostrorum de cetero Hanc autem venditionem nos supradicti Rogerus et Aelissa supradictis abbati et conventui et etiam heredes nostri contra omnes garantizare tenemur Et insuper juravimus factis sacrosanctis evangeliis spontanea voluntate nostra et non ad hoc coacti quod in predicta pechia terre aliquo jure quolibet modo aliquid de cetero non re clamabimus Quod ut firmum et stabile permaneat in futurum nos prenominati Rogerus et Aelissa presenti carte sigilla nostra apposuimus Actum anno Domini MCC quinquagesimo secundo mense aprilis Testibus hiis domno Radulfo tunc temporis priore de Ulteriori Portu domno Willelmo de tunc temporis cellario ejusdem loci domno Johanne de Furno tunc temporis presbitero de Ulteriori Portu Hugone de le Sale Adam le Messier Hugone de Montibus et aliis
Source (click image below to view full size)
