Charter Document - 06200180
| Charter Number: | 06200180 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1247 |
| Date type: | Internal, A.D., Calendar |
| Resource Link(s): |
|
Charter:
Sciant omnes presentes et futuri quod ego Galterus le Sauvage de Mesnil Oistellant necessitate mea coactus vendidi et omnino deserui abbati et conventui de Ultriportu ad officium elemosine ejusdem loci partem unam campi mei qui dicitur campus de Grandi Bosco habentem acram unam et viginti percas terre sitam in latere dicti campi juxta campum Johannis Adani et aboutat versus mare ad viam regiam que a Creoleo ducit Augum sicut se comportat in longum pro centum et sexdecim solidis turonensium quos per manibus habui ita quod de illa parte servitii et illa mina ablaii et illis decem et octo denariis que pro dote sua mater mea Guillerma solvebat ego dictus Galterus et heredes mei in perpetuum liberi et quieti erimus Istam etiam terram ego et heredes mei dictis abbati et conventui in perpetuum contra omnes tenemur garantizare Et ut hoc ratum et firmum in perpetuum permaneat ego dictus Galterus presens scriptum sigillo meo roboravi Actum anno Domini MCCXL septimo quinto kalendas februarii
Source (click image below to view full size)
