Charter Document - 06200169
| Charter Number: | 06200169 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1235 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis abbas et prior Sancti Martini et officialis Sagiensis a domino Papa judices delegati salutem in Domino Noveritis quod cum contentio verteretur inter abbatem et conventum de Ulteriori Portu ex una parte et magistrum Nicholaum rectorem ecclesie Sancti Jacobi de Ulteriori Portu ex altera super decem et octo libris turonensium quos dicti abbas et conventus petebant ab eodem coram nobis annue pensionis de reditibus ecclesie predicte tandem in jure constituti coram nobis Martinus de Monte Reginaldi clericus procurator dictorum abbatis et conventus per litteras procurat orias sigillis abbatis et conventus sigillatas ex una parte est magister Nicholaus rector ecclesie predicte ex altera idem Nicholaus recognovit in jure coram nobis quod abbas et conventus Sancti Michaelis de Ulteriori Portu de jure est antiqua possessione habebant et percipiebant et percipere debebant decem et octo libras turonensium in ecclesia Sancti Jacobi de Ulteriori Portu annue pensionis de reditibus ecclesie supradicte hiis terminis scilicet in festo Omnium Sanctorum sex libras in Natali Domini sex libras et in Pascha Domini sex libras turonensium per manum rectoris ejusdem ecclesie capiendas In cujus rei testimonium nos de concessu prenominati procuratoris abbatis et conventus et prefati magistri Nicholai presentibus litteris sigilla nostra duximus apponenda Actum anno Domini MCCXXXIIII die martis post Cineres
Source (click image below to view full size)
