Charter Document - 06200168
| Charter Number: | 06200168 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1234 |
| Date type: | Internal, A.D. |
| Resource Link(s): |
|
Charter:
Notum sit omnibus tam presentibus quam futuris quod ego Simon de Mers miles dedi et concessi pro salute anime mee et antecessorum meorum in puram et perpetuam elemosinam abbati et conventui Sancti Michaelis de Ulteriori Portu sex solidos turonensium annui redditus percipiendos annuatim ad festum sancti Remigui videlicet quinque solidos in salina quam Johannes filius Roberti Strabonis tenet de me et xii denarios in salina quam Ernesius le Saunier similiter tenet de me et si predicti sex solidi non fuerint soluti ad terminum prenominatum licet abbati vel ejus procuratori facere plenariam justitiam suam super salinas predictas Dictum autem redditum ego predictus Simon de Mers miles et heredes mei antedictis abbati et conventui de Ulteriori Portu contra omnes in perpetuum garantisare tenemur Quod ut ratum et stabile in perpetuum permaneat presens scriptum munimine sigilli mei roboravi Actum anno gratie MCCXXXIIII mense februarii Testibus hiis Hugone et Willelmo de Freeucourt militibus Goscelino Triket tunc majore de Augo Roberto le Potier Thoma et Ricardo servientibus dicti abbatis et multis aliis
Source (click image below to view full size)
