Charter Document - 06200162
| Charter Number: | 06200162 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1234 |
| Date type: | Internal, A.D. |
| Resource Link(s): |
|
Charter:
Universis sancte matris Ecclesie filiis presentes litteras inspecturis Hugo divina permissione Sagiensis ecclesie minister humilis eternam in Domino salutem Noverit universitas vestra nos quasdam litteras inspexisse venerabilis patris Willelmi Abrincensis quondam episcopi et religiosorum virorum Roberti Sancti Andree de Goffer et Walteri Sancti Johannis de Falesia abbatum sigillis propriis sigillatas in quibus vidimus contineri quod cum inter abbatem et conventum de Ulteriori Portu ex una parte et Robertum de Mombraio personam tunc temporis ecclesie de Basoches ex altera coram venerabili patre Waltero quondam Rothomagensi archiepiscopo super decimis et possessionibus aliis ad ipsos et ecclesiam de Rasoches pertinentibus questio verteretur tandem utraque parte in predictum episcopum et supradictos abbates super premissis rebus et ut terminum procurarent in hoc modo sopita est quod dictus Robertus de Mombraio recognovit in jure et confessus est quod due partes omnium decimarum bladi et leguminum totius predicte parrochie de jure et antiqua consuetudine ad supradictos abbatem et monachos pertinebant Recognovit preterea idem Robertus quod medietas decime lini et cannabi agnorum et porcellorum lane et fructus gardinorum et medietas omnium denariorum die Natalis Domini et Pasche et Ascensionis Dominice ad eosdem monachos in usus proprios pertinebant et omnis controversia et contentio que super predictis inter partes versabatur in presentia predictorum episcopi et abbatum conquievit Unde nos pietatis intuitu et ad supplicationem viri religiosi abbatis Sancti Michaelis Ulterioris Portus et ejusdem loci conventus predictam ordinationem a prefatis arbitris celebratam sicuti facta fuerat juste et canonice duximus confirmandam Et ut confirmatio nostra obtineret roboris firmitatem eam fecimus sigilli nostri munimine roborari Actum anno Domini MCCXXXIIII mense junii
Source (click image below to view full size)
