Charter Document - 06200140
| Charter Number: | 06200140 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1227 |
| Date type: | Internal, A.D. |
| Resource Link(s): |
|
Charter:
Fidelibus Christi presentes litteras inspecturis Robertus de Mombraio clericus salutem cum testimonio veritatis Noverit universitas vestra quod cum duas garbas decimarum parrochie de Basoches quosdam homines terras prata et medietatem omnium minutarum decimarum ejusdem parrochie videlicet lini et cannabi agnorum et porcellorum lane et fructuum gardinorum et medietatem oblationum que fiant in denariis die Natalis Domini die Pasche et die Assentionis Domini in ecclesia de Basoches que omnia de jure spectarent ecclesie et monachis Beati Michaelis de Ulteriori Portu de prefata ecclesia et prefatis monachis ad firmam diutius tenuissem petitionem ipsorum de prudentium virorum consilio omnia supradicta resignavi et dimisi omnino monachis supradictis salva michi tertia garba decimarum et ceteris que ad dictam ecclesiam pertinere noscuntur salvis etiam magistro Waltero de Maisnillo decimis de Platei de qua due partes vel decessum ipsius ad dictorum monachorum usus proprios revertentur et Radulpho presbitero vicario predicte ecclesie sicut in cartis quas inde ego et predictus magister habemus de predictis plenius continetur Monachi vero et abbas concesserunt michi xl libras turonensium annui redditus reddendas terminis qui sunt in litteris quas inde habeo sufficienter expressi Quia vero prefatam resignationem et dimissionem bona fide volo inviolabiliter observari renuntiatione renuntiavi omnibus impetratis sive impetrandis per que possent prefati monachi super premissis in aliquo molestari Quod ut ratum firmumque permaneat presentes litteras sigilli mei testimonio confirmavi Actum anno Domini MCCXXVII
Source (click image below to view full size)
