Charter Document - 06200122
| Charter Number: | 06200122 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1219 |
| Date type: | Internal, A.D. |
| Resource Link(s): |
|
Charter:
Sciant presentes et futuri quod ego Odo Belvaes assensu uxoris mee Sarre dedi et concessi pro salute anime mee et anime ejusdem Sarre et antecessorum meorum in puram et perpetuam elemosinam ecclesie Beati Michaelis de Ulteriori Portu et monachis ibidem Deo servientibus domum meam lapideam super perreium sitam juxta domum Willelmi Barberel cum pertinentiis dicte domus ante et retro quam de novo adquisivimus ego et uxor mea dictis monachis in perpetuum dictam siquidem domum ego et dicta uxor mea super altare beati Michaelis obtulimus Et debent dicti monachi post decessum meum ad anniversarium meum faciendum singulis annis de predicta domo dare xx solidos turonensium die obitus mei ad refectionem eorum dem et alios xx solidos similiter ad anniversarium supradicte uxoris mee Ego vero predictam domum cum pertinentiis eisdem monachis pro posse meo contra omnes debeo garantisare Et sciendum est quod ego per totam vitam meam domum nominatam debeo possidere nec post decessum meum uxor mea nec aliquis ex parte mea eam possidebit nec aliquid in ea reclamare poterit vel debebit Actum anno gratie MCCXIX mense maio in parrochia Ulterisportus Et ut hec mea donatio perpetua gaudeat firmitate et ne in posterum aliquorum valeat irretiri eam presenti scripto et sigilli mei munimine dignum duxi roborari Testibus Guidone tunc abbate Augi Petro tunc ejusdem loci priore Laurentio presbitero Ulterisportus et multis aliis
Source (click image below to view full size)
