Charter Document - 06200116
| Charter Number: | 06200116 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1211 - 1222 |
| Date type: | Assigned |
| Resource Link(s): |
|
Charter:
Evrardus Dei gratia Ambianensis episcopus et [] abbas de Gardo tam presentibus quam futuris in Christo fidelibus eternam in Domino salutem Causam que vertebatur inter abbatem de Ulteriori Portu et Johannem clericum super cotidianum victum dominus Papa nostre parvitatis examini commisit audiendam Cum igitur ante nostram presentiam convenissent ad diem sibi prefixum et sic eadem causa diutius litigata fuisset ad hoc de assensu ipsius J[ohannis] adversarii ejusdem abbatis verbum productum est quod si abbas per legitimos testes deffendere posset victum quem idem J[ohannes] reclamabat ab antecessoribus abbatis nullatenus ei concessum fuisse J[ohannes] a petitione sua de cetero desisteret et abbatem super hoc non vexaret quod utique factum est Testes ex parte abbatis predicti Robertus de Osbertval Guido monachus Bernardus sacerdos de Ulteriori Portu Rogerus miles de Capeval et plures alii
Source (click image below to view full size)
