Charter Document - 06200109
| Charter Number: | 06200109 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1207 - 1216 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus de Verleio filius Gaufridi dedi et concessi Deo et ecclesie Sancti Michaelis de Ulteriori Portu et monachis ibidem Deo servientibus pro salute anime mee et antecessorum meorum de terra mea unum campum arabilis terre jungentem terris jam dictorum monachorum super ripam aque inter Septimolas et Verleium et unum pratum ex altera parte aque prope ortum eorundem monachorum et hoc donum super altare sancti Michaelis per textum aureum manu propria posui et ibi coram pluribus super sanctum evangelium juravi quod deinceps pro his terris jam dictam ecclesiam non molestarum vel calumpniam facerem Ego vero pro hac donatione et elemosina a jam dictis monachis xi libras turonum tunc in Normannia currentium recepi Et ut hec donatio rata et inconcussa permaneret munimine sigilli mei eam roboravi Testibus his Radulfo tunc existente abbate Gaufrido priore Girardo percentore ex parte mea me ipso Johanne Rufo hospite meo Rainaldo Vavasore Nicholai filio Roberto Preposito M famulo abbatis et pluribus aliis
Source (click image below to view full size)
