Charter Document - 06200103
| Charter Number: | 06200103 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1211 |
| Date type: | Assigned |
| Resource Link(s): |
|
Charter:
Omnibus sancte matris Ecclesie filiis ad quos presentes littere pervenerint W thesaurarius et I archidiaconus Luxovienses salutem in Domino Cum causa que vertebatur inter abbatem et conventum de Ulteriori Portu ex una parte et G militem de Sancto Martino ex altera super masagio et capella et furno et furnagio de Sancto Martino nobis et capicerio Luxoviensi fuisset a summo pontifice Innocentio tertio delegata et coram nobis diu ventilata predicto capicerio absente et legitime excusato tandem postposita controversiam hunc modum interveniente compositione amicabiliter conquievit videlicet quod predictus G pro bono pacis prenominatis abbati et monachis dedit et concessit in puram et perpetuam elemosinam pro ut continetur in carta sua capellam suam de Sancto Martino cum omnibus pertinentiis suis et unam masuram ante portam masagii et molturam capellano liberam et quietam et culturam de Coldreio et culturam de mara et campum de la haie Perron Nos vero ad petitionem et instantiam utriusque partis auctoritate apostolica qua fungimur in hac parte predictam compositionem ratam habentes eam in scriptis redigere et ne processu temporis in dubium revocetur sigillorum nostrorum appositione dignum duximus roborare
Source (click image below to view full size)
