Charter Document - 06200085
| Charter Number: | 06200085 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1206 |
| Date type: | Internal, A.D. |
| Resource Link(s): |
|
Charter:
Sciant presentes et futuri quod ego Goscelinus Scindens folium amore Dei et intuitu pietatis pro salute anime mee et antecessorum meorum dedi Deo et ecclesie Sancti Michaelis de Ulteriori Portu et monachis ibidem Deo servientibus de terra mea unum campum ad Verleium qui campus est inter Septem Molas et Verleium et inter terras monachorum Hune campum dedi totum et integrum super viam et subtus viam usque ad prata liberum et quietum ab omni consuetudine relevamento tauliis et auxiliis et hoc feci assensu et voluntate filiorum meorum Reginaldi videlicet et Radulfi et etiam uxoris mee Basilie qui pro hac concessione receperunt de manu abbatis munera Reginaldus primogenitus x solidos Radulfus post natus v solidos uxor mea unum sextarium ordei Ego vero pro hac donatione et elemosina recepi de caritate jam dicte domus undecim libras turonensium tunc in Normannia currentium Et ut hec elemosina et donatio rata et inconcussa permaneat munimine sigilli mei eam roboravi sub attestatione virorum proborum qui interfuerunt scilicet Anselli clerici de Augo Hugonis clerici comitis Roberti de Merlevilla tunc senescalli de Novo Castro Willelmide Corcellis Engeranni Molier Ricardi Vavassoris et plurimorum aliorum Actum est hoc anno ab Incarnatione Domini millesimo ducentesimo sexto
Source (click image below to view full size)
