Charter Document - 06200082
| Charter Number: | 06200082 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1184 - 1207 |
| Date type: | Assigned |
| Resource Link(s): |
|
Charter:
Walterius Dei gratia Rothomagensis archiepiscopus venerabili fratri eadem gratia Abrincensi episcopo et dilectis filiis Sancti Andree et Sancti Johannis de Falesia abbatibus salutem gratiam et benedictionem Cum dilecti filii abbas Ulterioris Portus et Robertus de Mombrai clericus fuissent in curia nostra constituti litigantes super decimis ecclesie et parrochie de Basoches impulsu nostro super eadem querela compromiserunt in vos tam de perceptis decimis quam de percipiendis et de possessione et de ipso jure proprietatis firmantes fide et de juramento quod appellatione remota sententie quam tuleritis parebunt pena etiam promissa centum librarum ab illo solvendarum qui vestro recusaverit stare judicio Quocirca discretioni vestre mandamus precipiendo quatinus partes ad presentiam vestram convocatis et auditis hinc inde propositis super his per testes idoneos juratos suspicione carentes diligenter et sollicite veritatem inquiratis et inquisita veritate et cognita quod justum fuerit et canonicum statuatis facientes quod decreveritis per censuram ecclesiasticam firmiter observari Valete
Source (click image below to view full size)
