Charter Document - 06200079
| Charter Number: | 06200079 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1190 - 1208 |
| Date type: | Assigned |
| Resource Link(s): |
Archives départementales de Seine-Maritime - 17 HP 1/11 |
Charter:
Omnibus Christi fidelibus ad quos presens scriptum pervenerit Walterus Dei gracia Rothomagensis archiepiscopus salutem in Domino Ex approbata descendit consuetudine ea que pie et juste ecclesiis seu ecclesiasticis viris conferuntur ne oblivione vel invidentium sive etiam ambitiosorum malignitate depereant litterarum apicibus annotare et auctoritate pontificali communire Inde est quod ad communem omnium noticiam volumus pervenire nos intuitu Dei et canonice ad presentationem abbatis Ulterioris Portus et conventus dedisse et concessisse Waltero de Sancto Aniano presbitero vicariam ecclesie Sancti Dionisii de Penlui in omni ea libertate et integritate in qua eam aliquis predecessorum suorum melius et plenius dinoscitur habuisse in perpetuum possidendam salvo jure pontificali Ut autem hec nostra donatio rata et inconcussa permaneat eam presenti scripto et sigilli nostri munimine duximus corroborandam Testibus magistro Simone cancellario magistro Johanne de Vilers Willelmo de Brueria et Ricardo Hayron canonicis Rothomagensibus Ansello da Augo Willelmo de Sancto Aniano decano Augi et multis aliis
Source (click image below to view full size)
