Charter Document - 06200074
| Charter Number: | 06200074 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1202 |
| Date type: | Internal, A.D. |
| Resource Link(s): |
|
Charter:
Sciant omnes presentes et futuri quod ego Robertus de Hotot assensu et voluntate Johannis filii mei primogeniti dedi et concessi in perpetuam elemosinam abbati et conventui Beati Michaelis de Ulteriori Portu duas acras terre mee in cultura mea juxta le Hamei sitas juxta terram Val[] de Hameio haboutantes unus campus ad terram Joscelini de Guerrenfloris et alius campus ad terram Laurentii Strabonis tenendas antedictis abbati et conventui in puram et perpetuam elemosinam libere et quiete ab omnibus servitiis et aliis exactionibus Dictam vero terram ego predictus Robertus et Johannes filius primogenitus predicto conventui Sancti Michaelis de Ulteriori Portu de nobis et heredibus nostris contra omnes garantisare juravimus et propter hoc habuimus de caritate domus Sancti Michaelis decem libras turonensium Hanc vero donationem Agnes uxor mea propria voluntate sua concessit ita quod in predictis duabus acris terre nichil poterit reclamare nec aliquis pro ea Quod ut ratum maneat et stabile ego predictus Robertus et Johannes filius meus presentem cartam sigillis nostris corroboravimus anno gratie MCC secundo testibus hiis ad hoc convocatis Guillelmo Tricket tunc majore Augi Wiberto de Barra Stephano de Turre tunc scabinis et pluribus aliis
Source (click image below to view full size)
