Charter Document - 06200073
| Charter Number: | 06200073 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1200 - 1202 |
| Date type: | Assigned |
| Resource Link(s): |
|
Charter:
Octavianus Dei gratia Hostiensis et Welletrensis episcopus Apostolice Sedis legatus dilectis filiis abbati et conventui Sancti Michaelis de Ulteriori Portu salutem in Domino et sinceram caritatem Cum inter vos et Willelmum de Belines presbiterum super ecclesia Sancti Petri de Basoches questio verteretur et habueritis tam vos quam ipse ad predictam presentationem vestrum recursum inde sacerdos quidquam juris habuerat in ipsa ecclesia libere et absolute in nostris manibus resignavit ac firmiter fide prestita juravit quod in ea nichil ulterius reclamabit postmodum vero tu fili abbas in verbo veritatis in nostra presentia promisisti quod eidem sacerdoti vel certo nuntio ejus quadraginta solidos andegavensium acque tabis in festo beati Remigii annuatim persolvendos donec ecclesiam primo vobis vacantem que illi placeat excepta ecclesia Sancti Jacobi de Ulteriori Portu ei conferatis et assignetis ideoque mandamus vobis firmiter legationis auctoritate qua fungimur quatinus ecclesiam primo vobis vacaturam ut dictum est ei sine difficultate conferre curetis non obstantibus promissionibus factis de non vacantibus quas irritas decernimus et inanes
Source (click image below to view full size)
