Charter Document - 06200067
| Charter Number: | 06200067 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1150 - 1200 |
| Date type: | Assigned |
| Resource Link(s): |
Archives départementales de Seine-Maritime - 17 HP 1/05 |
Charter:
Quoniam actus et dispositiones mortalium nisi scripto commendentur facile a memoria dilabuntur placuit mihi Roberto de Capetot filio Willelmi camerarii de Tancardivilla has litteras fieri et ut firmius teneatur munimine sigilli mei eas corroboravi ut sciant presentes et posteri me concessisse ecclesie Sancti Michaelis de Ulteriori Portu et monachis ibi Deo servientibus quatuor libras usualis monete quas pater meus eis dedit in puram et perpetuam elemosinam in reditibus suis de Archellis reddendas per singulos annos duobus terminis xl solidos ad Purificationem sancte Marie et xl solidos ad festum sancti Michaelis ad procurationem unius monachi qui constitutus est fieri in predicta ecclesia pro anima Walteri de Sancto Martino quando concordia facta fuit de morte ipsius Walterii cum Gaufrido fratre suo et cum amicis suis Hanc elemosinam concessi ego R[obertus] prefatus coram istis testibus domino Ric[ardo] tunc temporis sacerdote de Archellis domino Petro de Archellis presbitero Petro de Vilers Rad[ulfo] Pagano et pluribus aliis
Source (click image below to view full size)
