Charter Document - 06200063
| Charter Number: | 06200063 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1191 - 1219 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Radulfus comes Augi dedi concessi et hac presenti carta mea confirmavi Deo et ecclesie Sancti Michaelis de Ulteriori Portu et monachis ibidem Deo servientibus pro salute anime mee et antecessorum meorum in puram et perpetuam elemosinam centum solidos de redditu annuatim precipiendos in minagio meo apud Augum ad duos terminos videlicet ad festum sancti Remigii quinquaginta solidos et ad Pascha quinquaginta solidos et si baillivi mei vel firmarii qui minagium tenuerint jam dictum redditum ad terminos statutos non reddiderint nominatis monachis in misericordia mea de xl solidis remanebunt et illos xl solidos de misericordia dono eisdem monachis et concedo Hiis testibus Aymerico de Cursaio Hugone de Camberon Roberto de Merlevilla Ansello de Auggo Hugone clerico et multis aliis
Source (click image below to view full size)
