Charter Document - 06200055
| Charter Number: | 06200055 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1181 - 1183 |
| Date type: | Assigned |
| Resource Link(s): |
|
Charter:
Sciant presentes et futuri quod Willelmus de Sancto Hylario concessit et in perpetuam elemosinam dedit Deo et sancto Michaeli et monachis Ulterisportus duas garbas decime sue quam habebat vel habere dicebat apud Aneillemaram et quicquid ipsi monachi apud eandem villam tenebant vel tenere debebant de se tam in terris quam in decimis presenti scripto confirmavit seque predictam donationem et confirmationem pro ipsis monachis in omni loco et contra omnes homines warantisandum spopondit Hanc donationem posuit ipse Willelmus super altare sancti Michaelis presente domine Willelmo ipsius domus abbate multisque aliis monachis et laicis presentibus Dedit insuper ipse Willelmus predictis monachis medietatem decime pomerii sui apud Sanctum Hylarium et tertiam partem decime tam bladorum quam ortorum hominum suorum apud Sanctum Hylarium Pro hac donatione et confirmatione dederunt monachi ipsi Willelmo centum solidos alborum denariorum propter hoc dabunt ei annuatim unum par botarum et x solidos pro capa in vita sua Testibus R fratre ipsius Willelmi P et R famuli monachorum Alons et Azo filius ejus Willelmo patre Ran et multis aliis
Source (click image below to view full size)
