Charter Document - 06200052
| Charter Number: | 06200052 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 |
| Date type: | Internal, A.D. |
| Resource Link(s): |
|
Charter:
Sciant presentes et futuri quod ego Walterius de Sancto Martino donationem illam quam Galterus pater meus pro anima Lieceline uxoris sue matrisque mee fecerat Deo et ecclesie Sancti Michaelis de Ulterisportu dedi et concessi ortum videlicet quemdam extra villam Sancti Martini a via usque ad aquam continentem et apud Criolium masuram quandam et apud Toth v acras terre Hanc donationem liberam et quietam ab omni consuetudine ego Walterius de Sancto Martino filius Gausfridi super altare sancti Michaelis manu propria per textum aureum posui Testibus istis Osberno capellano de Cubertivilla Radulpho capellano de Sancto Martino Waltero Rufo Simone de Merlincampo Ricardo de Dragevilla et pluribus aliis Concessi etiam predicto sancto Michaeli quicquid antecessores mei vel homines mei eidem sancto dederant vel concesserant in terris in decimis in pratis et in ecclesia Sancti Martini et preter hec nominatim concessi et confirmavi donationem quam Hadelermus de Pont miles meus fecit de hospite suo Petro Acolepanche et de terra juxta hospitalem domum apud Pont posita et de quadam decima apud Tosfrevillam Hanc donationem ipse Adhelermus dum adhuc esset sanus et incolumis super altare sancti Michaelis posuit Actum est hoc dum adhuc terram meam tenerem et quicquid antecessores mei ex consuetudine ab ecclesia Sancti Michaelis exegerunt vel exigere potuerunt pro Ded et salute mea et antecessoribus meis totum quietum dimisi Et insuper modium avene quem a firma riis qui decimam Sancti Martini trahebant annuatim accipiebam in pace condonavi Actum anno ab Incarnatione Domini MC octogesimo nono
Source (click image below to view full size)
