Charter Document - 06200045
| Charter Number: | 06200045 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1184 |
| Date type: | Internal, A.D. |
| Resource Link(s): |
|
Charter:
Ego Theobaldus Dei miseratione Ambianensis episcopus tam presentibus quam futuris notum facio quod causa que vertebatur inter Johannem clericum et Walterum le Chaucen super quadam masura quam idem Johannes de abbate de Tresport sub censu se tenere asserebat quam utique causam de mandato domini Pape audiendam fine debito decidendam susceperam tandem in hunc modum sopita est quod jam dictus Johannes tote querele renuntiavit et masuram illam omnino liberam dimisit et tam abbatem quam Galterum quem super hoc impetebat in presentia nostra quietos denuntiavit et in recompensationem laboris et expensarum suarum ix solidos Andegavensis monete interventu dilectorum filiorum nostrorum Willelmi Prepositi et Gaufridi arbitrorum recepit Ne igitur super hoc contra abbatem vel ecclesiam suam aliquo tempore emergat litteras nostras ea auctoritate qua in negotio fungebamur in testimonium transactionis fieri et eas sigillo nostro confirmari precepimus Hujus rei testes sunt Guillelmus Prepositus The et R archidiaconi magister Robertus Poles magister G Actum anno Domini MCLXXXIIII
Source (click image below to view full size)
