Charter Document - 06200037

Anno Dominice Incarnationis MCLXXIX Romanam ecclesiam regente papa Alexandro III Rothom[agen]semque cathedram episcopalem sedente Rotrodo archiepiscopo Henrico rege filio Mathildis imperatricis dominante in Normannia Henricus Augensium comes huic sancte archangeli Michaelis Ultrisportensi ecclesie concedendo dedi et confirmavi et super a[ltare] propria manu mea posui omnia illa dona que antecessores mei comes videlicet Robertus et Guillermus filius ejus et Henricus avus meus et Johannes pater meus suique homines concesserunt dederunt et confirmaverunt et avenam et frumentum de Verli que pertinent ad forestagium et avenam de Mont Rosti et decimam de Felcheros Campo et decem libras in lignagio Augi per annum et moltam de Mesnil Aalat liberam et quietam decimamque pasnagii de foresta Augi et de omnibus ex artibus ejusdem foreste ubicumque fiant nemus quoque liberum in opus monasterii et ministerii monachorum Et volo ut ea precipue que monachi habere debebant firmiter et plenarie habeant et in perpetuum possideant totam videlicet et integram decimam de vice comitatibus Augi Ultriportus Criolii Septem Molarum et Grandicurie et omnem palustrem terram quam monachis et Ansgotus tenuerunt et prata de juxta et totam moltam et talliam de Monte Hugonis Et quod homines sancti Michaelis ab omni placito consuetudinario in omni loco adversus vicecomites firmari os aliosque omnes famulos meos sola manu absque ulla occasione se purgabunt Famuli vero abbatis et monachorum qui sunt de pane et cibo eorum in curia sancti Michaelis simili modo sola manu se purgabunt et justicia erit abbatis nec umquam pro arverrio vel sine testimonio alicui famulorum meorum respondebunt In Fontibus autem et in Verleio et in Adhelardi Maisnilo et in omni terra sancti Michaelis si quis aliquem percusserit sanguinem et justiciam omnem abbati et monachis concedo arverrium et omnem occasionem condono libertatemque omnibus hominibus quos habet vel habitura est abbatia Sancti Michaelis Ultrisportensis in omni terra mea concedo pro salute anime mee et remissione peccatorum Johannis patris mei meorumque et omnium antecessorum nostrorum ut amodo et usque in sempiternum nec ego nec heredes mei nullas ab eis exigant collectas nullas tallias Et hoc vinculo perpetue excommunicationis ligo et contradicentibus eternam maledictionem et a Deo in die judicii separationem imprecor Et aquam de Augo ad piscandum monachis in vigilia festivitatis Transfigurationis Domini et in festivitate sancte Marie Magdalene et in Translatione sancti Benedicti concedo et culturam que est inter Ultrisportum et Flamangevillam et pratum quod Walterius de Sancto Martino apud Flamengevillam dedit sancto Michaeli concedentibus filiis suis Waltero et Gaufrido et hospitem unum apud Ultrisportum et in Thot duas garbas decime de Londa et feriam in sollempnitate sancti Michaelis in vigilia et in die et e omnia que ad me pertinent in mare et in terra in ipsa villa in illis diebus et apud Augum decimam de la maiere apud Utrisportum panem consuetudinis et panem decime et decimam piscium de emptione ad coquinam comitis Et quando naves pisces aut caseos vel aliquid aliud monachorum victui necessarium ferentes ad portum Ultrisportensem venerint si vicecomes ville ex inde emerit secundum emptionem comitis monachi sancti Michaelis unius diei victum inde habebunt Apud Augum etiam concedo ecclesie Sancti Michaelis de Ulteriori Portu feriam in festivitate sancti Johannis Baptiste ita liberaliter sicut Henricus avus meus predicte ecclesie eam dedit et concessit Hujus confirmationis testes sunt Thomas de Brienchun Robertus de Sancto Petro dapifer Robertus [de] Davidevilla Bartholomeus de Brienchun Walterus de Fulcardimonte Hudardus Medicus Petrus filius Nicolai Ricardus Buteri monachus Ultrisportensis Petrus le Pruvost Ricardus de Duverent Walterus de Adhelardi Mainillo et multi alii