Charter Document - 06200021
| Charter Number: | 06200021 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1153 |
| Date type: | Internal, A.D. |
| Resource Link(s): |
|
Charter:
Hugo Dei gratia Rothomagensis archiepiscopus charissimo filio suo Fulcero abbati Sancti Michaelis Ultrisportus in perpetuum Suscepti nos admonet sollicitudo regiminis dignis filiorum nostrorum petitionibus pie occurrere et eorum utilitatibus diligenti vigilantia providere Ea propter dilecte in Domino filii Fulcere abbas tuis et ecclesie tue postulationibus annuentes haiam quam Goscelinus de Criolio emptam a Willelmo Tranchefol concessione comitis Augi de cujus feodo predicta haia erat ecclesie vestre pro salute anime sue dedit jure stabili perenni tempore vobis habendam decernimus et nostra metropolitana auctoritate confirmamus insuper et dominium quod comes Augi in eadem habebat haia et in terra de Blanca et tale homagium ac servitium quale Willelmus Trenchefol prefato comiti exsolvebat et quicquid eum exinde debuisse facere clarescebat prece et concessione ipsius comitis vobis communimus et nostra pontificali attestatione roboramus duas acras de feodo Ranerii de Septem Molis ex ipsius donatione et ii alias ex venditione et terram a Widone de Goisnummara et a filiis ejus vobis donatam et masuram quam Emina uxor Radulfi Pincerne dedit vobis et unum millenarium allecium a Roberto de Bernevali datum in annuum redditum et unum sextarium bladi a Radulfo fratre predicti Rosberti et ab omni successione eorum vobis donandum et duas guarbas quas Gislebertus Caletot vobis contulit de feodo de Fulcarmunt simili modo habendas libere et quiete confirmamus salvo in omnibus jure pontificali et presbiterii parrochialis Actum est hoc anno Incarnati Verbi MCLIII regnante in Francia illustri rege Ludovico principante in Normannia nobilissimo duce Henrico
Source (click image below to view full size)
