Charter Document - 06200007
| Charter Number: | 06200007 |
|---|---|
| Cartulary Title: | Cartulaire de l'abbaye de Saint-Michel du Tréport |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1141 |
| Date type: | Assigned |
| Resource Link(s): |
|
Charter:
[] divina permissione Ambianensis ecclesie minister humilis omnibus ad quos presens scriptum pervenerit in Domino salutem Ex informatione presentium noverint universi quod cum controversia diutius fuisset agitata inter viros religiosos abbatem et conventum Sancti Michaelis de Ulteriori Portu Rothomagensis diocesis ex una parte et virum nobilem R dominum de Arenis ex altera super residentiam unius monachi de eadem ecclesia quem dictus miles volebat continue residere in villa que dicitur de Campis ut ibidem in ecclesia ejusdem ville celebraret divina sicut debebat pro subsidio animarum antecessorum suorum qui ibi sufficientes redditus ad sustentationem predicti monachi et magnagium assignaverunt tandem post multas altercationes de propria voluntate sua in magistrum Odonem de Boganville clericum nostrum compromiserunt sicut in litteris eorum vidimus contineri quicquid dictus magister Odo super predictam controversiam duxerit statuendum ratum habebitur Dictus vero magister Odo habito prudentium virorum consilio providens quod si dicti abbas et conventus ante controversiam istam motam Gregorio presbitero de Campis contulerunt tam redditus ibidem assignatos sicut predictum est ad usum monachi quam magnagium cum quodam alio redditu suo apud Limeu ad eosdem abbatem et conventum pertinente quoad vixerit sub annua pensione et certa conditione ecclesie sue facientes in hac parte meliorem sicut patet per litteras ipsius abbatis et conventus exinde confecta et eidem presbitero in testimonium et ratificationem concessas quarum tenor a dicto magistro Odone nobis fuit exhibitus quare jam dicti abbas et conventus pro rata vita ipsius presbiteri non poterant nec debebant ibidem monachum instituere nec predicto militi ipso presbitero vivente satisfacere ita ordinavit et pronuntiavit ipso Gregorio presbitero cum aliis duabus partibus in hoc consentiente quod idem Gregorius presbiter qui managium et redditus nunc possidet et possidebit si eidem placuerit quamdiu vivet providebit ibidem annuatim de quodam capellano seculari qui continue vice monachi ibi residebit et divina ibi celebrabit cui de suo proprio providebit in necessariis reservato sibi quod singulis annis retinebit de pensione reddenda dicto abbati et conventui centum solidos parisiensium quos habebit pro adjutorio ad inveniendam sustentationem capellani memorati ita quod si dictus Gregorius decesserit vel ad religionem transierit vel propria voluntate dictam annuam pensionem ecclesie memorate resignarit dicti abbas et conventus ex tunc pro voluntate sua unum de monachis suis vel unum capellanum secularem annuatim sive in perpetuum ibidem assignarent qui in magnagio assignato resideret et divina celebraret in ecclesia ville memorate sicut decet
Source (click image below to view full size)
