Charter Document - 06191231
| Charter Number: | 06191231 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1210 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Innocentius episcopus servus servorum Dei dilectis filiis Dunkeldensi et Dunblanensi archidiaconis et Magistro scolarum de Pert salutem et apostolicam benedictionem Willelmo clerico accepimus conquerente quod monachi de Passelet et quidam alii Glasgwensis dioecesis capellam de Prestwic ad ecclesiam suam de Sanchar de jure spectantem sibi vendicare presumunt in aliis eidem graves injurias inferentes ideoque discretioni vestre per apostolica scripta mandamus quatinus partibus convocatis et auditis hinc inde propositis quod canonicum fuerit appellatione postposita statuatis facientes quod statueritis per censuram ecclesiasticam firmiter observari testes autem qui fuerint nominati si se gratia odeo vel timore subtraxerint per censuram eandem appellatione cessante cogatis veritati testimonium perhibere Quod si non omnes hiis exequendis potueritis interesse duo vestrum ea nihilominus exequantur Datum Laterani xiiii kalendas Junii pontificatus nostri anno tertio decimo
Source (click image below to view full size)
