Charter Document - 06191129
| Charter Number: | 06191129 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1284 |
| Date type: | Internal, A.D., Feast |
| Resource Link(s): |
Reference Document for this Embedded Document People of Medieval Scotland |
Charter:
Frater Laurentius miseratione divina Ergadiensis ecclesie minister humilis Oddoni decano Cristianitatis de Glafrod salutem in Domino sempiternam Discretioni vestre mandamus firmiter injungentes quatinus personaliter accedentes assumpto vobiscum domino Mauricio capellano ecclesie Sancti Finani ad ecclesiam Sancti Colmaneli in Kentyir dominos Bricium et Willelmum com monachos de Passelet procuratores dominorum Abbatis et conventus de Passelet conjunctim et divisim salva quarta nostra et procurationibus episcopalibus ceterisque honoribus et oneribus ordinariis et portione in eadem ecclesia vicarie assignata in corporalem possessionem ejusdem ecclesie et capelle de Chypehinche de eadem ecclesia dependentis cum omnibus aliis pertinentiis salvo jure cujuslibet induci faciatis In cujus rei testimonium presenti scripto sigillum nostrum est appensum Datum apud ecclesiam Sancti Finani die sabbati proxima post festum decollationis Sancti Johannis Baptiste anno gratie millesimo ducentesimo octogesimo quarto Hujus igitur auctoritate mandati nos prenominatos procuratores predictorum Abbatis et conventus in corporalem possessionem predicte ecclesie cum capella prenominata et omnibus aliis pertinentiis die dominica proxima ante nativitatem beate Virginis Marie anni prescripti induximus et instituimus In cujus rei testimonium presenti scripto sigilla nostra apposuimus Acta in capitulo de Passelet vigilia nativitatis beate Virginis Marie anno quo supra
Source (click image below to view full size)
