Charter Document - 06191046

Omnibus Christi fidelibus presens scriptum visuris vel audituris frater Stephanus dictus abbas de Passelet et ejusdem loci conventus salutem in Domino sempiternam Noverit universitas vestra quod cum essemus gravi onere eris alieni obligati et sine inpingo ratione partis rerum nostrarum a predictis debitis exonerari non potuimus nos de communi consilio et consensu capituli nostri dedimus concessimus et presenti scripto confirmamus Thome de Fulton et Matilde uxori sue propter quandam pecunie summam quam in utilitatem monasterii nostri profitemur esse conversam totam terram nostram de Fulton quam de nobis tenet dominus Antonius miles post cessum vel decessum predicti domini Antonii per illas divisas per quas Nicholaius de Fulton eam de nobis tenuit ita quod terra ad pontem de Kert et alie terre quas Laurentius carpentarius quondam de nobis tenuit et quas predicti Thomas et Matilda uxor sua seu heredes sui de nobis tenent ad nos et monasterium nostrum libere et pacifice revertentur post cessum vel decessum predicti domini Antonii Tenendam et habendam predictis Thome et Matilde uxori sue et eorum tribus heredibus eis immediate succedentibus de nobis et monasterio nostro libere quiete plenaria et honorifice cum omnibus libertatibus pertinentiis et aisiamentis et placitis de wot de wrang et hunlaue cum eorum escetis Salva nobis piscaria nostra de Lincleve et potestate pacifica eam reficiendi et firmandi ex parte terre de Fulton quotiens necesse fuerit et nobis expedire viderimus Et salvis nobis placitis et querelis vite et membrorum et de blodwite cum escetis suis de hominibus predictam terram inhabitantibus Et predicti Thomas et Matilda uxor sua et eorum heredes prescripti singulis annis solvent nobis et monasterio nostro pro predicta terra de Fulton omni casu contingente octo marcas sterlingorum ad duos anni terminos medietatem videlicet ad Pentecosten et aliam medietatem ad festum Sancti Martini pro omni servitio et seculari demanda et pro relevio vel duplicatione firme et sectam facient ad curiam nostram quotiens sic moniti fuerint legitime Nec habebunt prenominati auctoritatem vel potestatem predictam terram de Fulton alicui persone ecclesiastice vel seculari obligare impignorare vel ad firmam dare alicui ditiori vel potentiori annuo redditu sex marcarum seu aliquomodo ab ipsis alienare sine consensu et assensu nostro Quod si facere voluerint et nitantur cadat a jure suo et predicta terra ad nos et monasterium nostrum libere et pacifice revertetur Post dies vero predictorum trium heredum Thome et Matilde predicta terra de Fulton ad usus nostros proprietatem et possessionem pacificam libere et sine omni molestia gravamine et inquietatione devolvetur ita quod nullus post decessum trium heredum prescriptorum nomine seu ratione ipsorum occasione hujus conventionis seu aliquo jure judicio casu vel statuto contingentibus aliquid juris in predicta terra exigere poterit vel clamare et si forte contingat aliquem ulterius quam scriptum est nomine dictorum Thome et Matilde seu heredum suorum prescriptorum aliquomodo jus sibi in predicta terra vendicare ducentas libras nomine pene medietatem domino episcopo Glasguensi et aliam medietatem monasterio nostro ante litis ingressum et ex parte nostra responsum plenaria persolvet et si nos vel aliquis successorum nostrum contra hanc concessionem et donationem venire voluerimus predictis Thome et Matilde et eorum heredibus prescriptis ante litis ingressum vel antequam in aliqua curia audiamur ducentas libras sterlingorum nomine pene plenaria persolvemus Et hanc conventionem fideliter observandam in verbo sacerdotii promittimus et ad majorem securitatem hujus conventionis utraque pars pro se et successoribus suis et heredibus jurisdictioni et coertioni domini episcopi Glasguensis qui pro tempore fuerit vel archidiaconi si sedes vacaverit se et omnia bona sua mobilia et immobilia ubicumque reperta fuerint subjecit ut possit partem contra hanc conventionem venire volentem de plano et absque strepitu judicii monitione premissa per censuram ecclesiasticam modis omnibus quibus melius viderit expedire tam ad solutionem pene si committatur quam ad observationem omnium premissorum com pellere nullo jure canonico vel civili speciali generali statuto vel statuendo parti contra hanc conventionem venire volenti valituro Confectum est presens scriptum in modum chyrographi cujus una pars remanet penes predictos Thomam et Matildam uxorem suam sigillo capituli nostri de Passelet roborata et altera pars remanet penes Abbatem et conventum de Passelet sigillo predicti Thome signata Hiis testibus domino Thoma Croc Johanne de Knoc Nicholaio clerico Eimert de Nes Thoma de Polloc magistro Alexandro Kenedi Rogerio clerico et multis aliis