Charter Document - 06190382
| Charter Number: | 06190382 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1207 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus servus servorum Dei dilectis filiis Priori et conventui de Passelet Cluniacensis ordinis salutem et apostolicam benedictionem Solet annuere sedes apostolica piis votis et honestis petentium precibus favorem benevolum impertiri Ea propter dilecti in Domino filii vestris justis postulationibus grato concurrentes assensu concessionem quam bone memorie Jocelinus Glasguensis episcopus et dilectus filius Florentius quondam Glasguensis electus dum curam gereret ecclesie Glasguensis super ecclesiis de Turnbery de Cragyn et de Dalyell cum decimis reditibus et possessionibus suis et quam Alanus filius Walteri super terra de Moniabroc et Henricus de Sancto Martino super duabus carucatis terre monasterio vestro ad sustentationem vestram hospitum vestrorum et pauperum fecisse dicuntur sicut pie ac provide facta est et in eorum autenticis dicitur contineri auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Laterani Idibus Maii pontificatus nostri anno decimo
Source (click image below to view full size)
