Charter Document - 06190363
| Charter Number: | 06190363 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1226 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Honorius episcopus servus servorum Dei dilectis filiis Abbati et conventui de Passelet Cluniacensis ordinis salutem et apostolicam benedictionem a nobis humiliter postulastis ut cum nemo sentire debeat sue liberalitatis incommodum ne sit munificentia captiosa de nostra possitis licentia redditus quosdam monasterio vestro ad sustentationem fratrum et hospitum deputatos quos quibusdam familiaribus vestris quoad viverent liberaliter concessistis ad usus hujusmodi revocare Nos autem vestris supplicationibus inclinati devotioni vestre presentium auctoritate concedimus ut eisdem familiaribus decedentibus id efficere valeatis Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Laterani xiiii Kalendas Junii pontificatus nostri anno decimo
Source (click image below to view full size)
