Charter Document - 06190359

Alexander episcopus servus servorum Dei dilectis filiis Osberto priori ecclesie Sancte Marie Sancti Jacobi et Sancti Mirini de Pasleto ejusque fratribus tam presentibus quam futuris regularem vitam professis inperpetuum Effectum justa postulantibus indulgere et vigor equitatis et ordo exigit rationis presertim quando petentium voluntatem et pietas adjuvat et veritas non relinquit Quapropter dilecti in Domino filii vestris justis postulationibus clementer annuimus et prefatam ecclesiam in qua divino estis obsequio mancipati sub beati Petri et nostra protectione suscipimus et presentis scripti privilegio communimus In primis siquidem statuentes ut ordo monasticus qui secundum Deum et beati Benedicti regulam atque institutionem Cluniacensium fratrum institutus esse dinoscitur perpetuis ibidem temporibus inviolabiliter observetur Preterea quascunque possessiones quecunque bona idem monasterium impresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis Locum ipsum in quo prefata ecclesia sita est cum omnibus pertinentiis suis Et duas carucatas terre mensuratas circa aquam Kert juxta eandem ecclesiam Et illam terram ultra Kert ex parte nemoris per easdem divisas per quas Walterus filius Alani advocatus vester et Alanus filius ejus cum probis hominibus eam perambulaverunt Et illam portionem terre que est sub dormitorio vestro intra fossam Ecclesiam de Innerwic cum omnibus pertinentiis suis Et molendinum ejusdem ville totum preter unam marcam argenti quam predictus Walterus dedit in eodem molendino Radulfo de Kent Ecclesiam de Legardwod cum omnibus pertinentiis suis Unam carucatam terre in Hastenesden quam Walterus capellanus tenuit per easdem divisias per quas idem capellanus tenuit Ecclesiam de Ketkert cum omnibus pertinentiis suis Omnes ecclesias de Stragrys cum pertinentiis suis excepta ecclesia de Inchennan Et illam carucatam terre quam Grinketel tenuit Et duas marcas argenti de Threp quam tenet Willelmus annuatim vobis reddendas et si ipse Willelmus vel heredes sui eam sponte dimiserint terra vobis inperpetuum elemosinam remanebit Omnes decimas ejusdem Walteri de vasto Et totam insulam juxta oppidum ejus de Renfrew cum piscatura inter ipsam insulam et Perthic Et unam carucatam terre que est juxta oppidunt de Raynfrew Unum toftum plenarium in Raynfrew Et dimidiam marcam argenti de firma ejusdem Renfrew Et unum rete ad salmonem Et molendinum de Raynfrew Et terram juxta illud molendinum ubi quidam vestrum prius habitaverunt Unam carucatam terre que est inter Kert et Gryf Ecclesiam de Prestwic cum tota illa terra quam Donaldus filius Iwin vobis designavit inter terram Symonis Locart et terram de Prestwic usque Pulprestwic et secundum Pulprestwic usque ad mare et a mari secundum torrentem inter terram Arnaldi et terram de Prestwic usque ad divisas Symonis Locart Ecclesiam de alio Prestwic de burgo cum pertinentiis suis Et duas celdras salis de Kalantir annuatim vobis reddendas Integram quoque decimam de venatione prefati Walteri cum coriis Coria cervarumque idem Walterus ceperit in Forineisum Quatuor solidos ad luminare ecclesie vestre de molendino de Passeleth Ut molatis ibi absque multura proximi illi quem malentem inveneritis preter supradictum Walterum de blado quod exierit de proprio granario suo Plenariam etiam decimam de ipso molendino de Pasleto et de omnibus molendinis que idem Walterus habet seu habere poterit Omnia aisiamenta foreste ipsius Walteri de Passelet et pasturam in ea domui vestre et animalibus et porcis vestris propriis sicut animalibus ipsius Walteri si autem contigerit quod idem Walterus vel aliquis successorum suorum pecora infra forestam ipsam habere voluerit providebitur vobis una pars de foresta que vobis et animalibus vestris sufficere possit sine ipsius nimio detrimento sicut in carta ejusdem Walteri continetur Sak et foch tol et theme et infangandthefe cum libertatibus et dignitatibus suis vobis concessis Liceat quoque vobis clericos vel laicos et seculo fugientes liberos et absolutos ab conversionem vestram recipere et in vestram ecclesiam absque contradictione aliqua retinere Prohibemus insuper ut nulli fratrum vestrorum post factam in loco vestro professionem fas sit de eodem loco absque licentia prioris sui discedere discedentem vero absque communi litterarum vestrarum cautione nisi ad artiorem religionem voluerit transmigrare nullus audeat retinere Cum autem interdictum generale terre fuerit liceat vobis clausis januis non pulsatis tintinabulis exclusis interdictis et excommunicatis suppressa voce divina officia celebrare Sepulturam quoque ipsius loci liberam esse concedimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen justitia illarum ecclesiarum a quibus mortuorum corpora assumuntur Obeunte vero te nunc ejusdem loci Priore vel tuorum quolibet successorum nullus ibi qualibet subreptionis astutia seu violentia proponatur nisi quem fratres communi consensu vel fratrum pars consilii sanioris secundum Deum et beati Benedicti regulam et institutionem Cluniacensium fratrum providerint eligendum Decernimus ergo ut nulli omnino hominum liceat prefatam ecclesiam temere turbare aut possessiones ejus auferre vel ablatas retinere minuere seu quibuscunque vexationibus fatigare sed omnia integra conserventur eorum pro quorum gubernatione ac sustentatione concessa sunt usibus omnimodis profutura Salva sedis apostolice auctoritate et dioecesani episcopi canonica justitia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi reatum suum digna satisfactione correxerit potestatis honorisque sui dignitate careat reumque se divino judicio existere de perpetua iniquitate cognoscat et a sacratissimo corpore et sanguine Dei et domini redemptoris nostri Ihesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax domini nostri Ihesu Christi quatinus et hic fructum bone actionis percipiant et apud districtum Judicem premia eterne pacis inveniant Amen Datum Signie per manum Gratiani sancte Romane ecclesie subdiaconi et notarii viii Kalendas Aprilis indictione vj incarnationis dominice anno MCLXXII pontificatus vero domini Alexandri pape iii anno xiiii