Charter Document - 06190354
| Charter Number: | 06190354 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1228 |
| Date type: | Internal, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus totius terre sue clericis et laicis salutem Sciant presentes et futuri nos concessisse et hac carta nostra confirmasse donationem illam quam Walterus filius Alani senescallus noster fecit Deo et beate Marie et conventui de Syxle de tribus marcis annuis percipiendis per manus Ade de Ness et heredum suorum de terra quam Henricus Walensis quondam tenuit quam quidem terram dictus Senescallus dicte Ade et heredibus suis tenendam hereditarie per cartam suam contulit Assignavit etiam dictus Walterus senescallus predictum Adam et heredes suos predicto conventui de Syxle ad predictum redditum trium marcarum annuatim ad duos terminos inperpetuum solvendum scilicet medietatem ad festum Pentecostes et aliam medietatem ad festum Sancti Martini percipiendum tenendum et habendum ita libere et quiete plenaria et honorifice sicut carta predicti Walteri filii Alani predicto conventui inde confecta juste testatur Salvo servitio nostro de predicta terra Testibus magistro Matheo cancellario Waltero Olifard justiciario Laudonie Patricio filio Comitis Rogero de Mubray Thoma de Haya Thoma de Normanvill Waltero de Wudeford apud Pebles sexto die Novembris anno regni nostri quarto decimo
Source (click image below to view full size)
