Charter Document - 06190353
| Charter Number: | 06190353 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1219 - 1228 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presentibus et futuris Adam de Ness salutem Noverit universitas vestra meet heredes meos post me obligatos fuisse Deo et beate Marie et Conventui de Sixle per assignationem domini mei domini Walteri filii Alani domini Regis Scotie senescalli ad solvendum eisdem annuatim redditum trium marcarum ad duos anni terminos scilicet medietatem ad festum Pentecostes et medietatem ad festum Sancti Martini quem idem dominus meus eis in puram et perpetuam elemosinam pro salute anime sue et suorum per cartam suam contulit de redditu suo quem ego et heredes mei illi et heredibus suis annuatim solvere tenebantur pro terra quam idem dominus meis mihi et heredibus meis de se et heredibus suis hereditarie tenendam per cartam suam contulit quam etiam Henricus Walensis quondam tenuit Et ad hujus rei majorem securitatem eis hanc cartam meam sigilli mei appositione munitam contuli Hiis testibus Domino Ada abbate de Melros Hugone subpriore in eadem domo Rogero filio Glay Hectore Johanne de Montegummeri militibus Willelmo Luca Roberto capellanis Malcolmo filio Maldoveny comitis de Levenax Willelmo de Pertheye Roberto de Egletham Alano de Wynelingham clericis Willelmo Scoto et aliis
Source (click image below to view full size)
