Charter Document - 06190352
| Charter Number: | 06190352 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1219 - 1228 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus tam presentibus quam futuris Walterus filius Alani domini Regis Scotie senescallus salutem Noverit universitas vestra me divine pietatis intuitu et pro salute anime mee et patris et matris mee et antecessorum et successorum meorum concessisse dedisse et hac presenti carta mea confirmasse Deo et beate Marie et conventui de Syxle in puram et liberam et perpetuam elemosinam redditum trium marcarum argenti de redditu meo quem Adam de Nesset heredes sui michi et heredibus meis annuatim solvere tenebantur pro terra quam Henricus Walensis quondam tenuit quam etiam eidem Ade et heredibus suis de me et heredibus meis hereditarie tenendam per cartam meam contuli Assignavi etiam predictum Adam et heredes suos predicto conventui de Syxle ad predictum redditum trium marcarum annuatim ad duos terminos inperpetuum solvendum scilicet ad festum Pentecostes viginti solidos et ad festum Sancti Martini xx solidos Et ego Walterus et heredes mei predictum redditum predicto conventui inperpetuum de omnibus sicut puram elemosinam contra omnes homines warantizabimus et defendemus Et ut hoc donum meum ratum et stabile inperpetuum permaneat presentis scripti paginam sigilli mei impressione corroboravi Hiis testibus domino Ada abbate de Melros Hugone subpriore in eadem domo Rogero filio Glay Hectore Johanne de Montegumeri militibus meis Nicholao persona de Dundonald Willelmo fratre suo Willelmo Luca Roberto capellanis Malcolmo filio Maldoveny comitis de Levenax Willelmo de Pertheye Roberto de Eglesham Alano de Wynelingham clericis Willelmo Scot et aliis
Source (click image below to view full size)
