Charter Document - 06190339
| Charter Number: | 06190339 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1283 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Petrus de Castro filius Alexandri de Castro defuncti salutem in Domino Noveritis me pro me et heredibus meis ac meis assignatis resignasse Nicholao Sproull et heredibus suis ac suis assignatis omne jus quod habui vel habeo seu habere potero in tribus perticatis terre cum pertinentiis jacentibus infra burgum de Glasgw in le Ratonraw videlicet inter terram Mauricii dicti Starine capellani ex parte occidentali et communem vicum ex parte orientali Et si contingat me aut heredes meos seu meos assignatos contra hanc resignationem venire obligo me et heredes meos ac meos assignatos teneri in viginti libris bonorum et legalium sterlingorum fabrice ecclesie Glasguensis solvendis ac in viginti libris sterlingorum bonorum et legalium Nicholao Sproull et heredibus suis et suis assignatis pro dampnis suis nomine pene solvendis In cujus rei testimonium huic scripto sigillum ville de Glasgw unacum sigillo meo feci apponi Hiis testibus Johanne Dumber Johanne de Gowan tunc temporis ballivis de Glasgw Johanne Scot Johanne Heltrer Ricardo Smaly Hugone de Glasgw et aliis
Source (click image below to view full size)
