Charter Document - 06190338
| Charter Number: | 06190338 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1283 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Universis sancte matris ecclesie filiis presentes litteras visuris vel audituris Alexander filius quondam Ricardi nuntii de Glasgw eternam in Domino salutem Noverit universitas vestra me recepisse et habuisse plenaria per manus Gilberti dicti de camera domini Robertus Dei gratia episcopi Glasguensis quinque marcas bonorum et legalium sterlingorum in quibus idem Gilbertus mihi tenebatur ratione excambii facti inter nos de burgagiis nostris de quibus burgagiis carta super dicto excambio inter nos confecta plenam specificando facit mentionem Pro quibus quinque marcis et etiam pro burgagio quod a dicto Gilberto in excambio habeo totum jus et clameum quod jure hereditario vel aliquo alio jure habui vel aliquo tempore habere potui seu aliquis heredum meorum habere poterit in burgagium quod dictus Gilbertus de me in excambio habet memorato Gilberto et heredibus suis seu assignatis tenore presentium clamo quietum et etiam de solutione dicte pecunie In cujus rei testimonium commune sigillum civitatis Glasguensis unacum sigillo meo presentibus apponi procuravi Datum apud Glasgw die Martis proxima post festum Sancti Ambrosii martiris anno gratie MCCLXXX tertio
Source (click image below to view full size)
