Charter Document - 06190336
| Charter Number: | 06190336 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1304 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus ad quos presentes littere pervenerint Rogerus filius Laurentii Clerici de Stewardton salutem in Domino Cum ego sepius interpellasse religiosos viros Abbatem et conventum de Pasleto super jure cujusdam particule terre in tenemento de Stewardton quam pater meus de eisdem tenuit pro tempore vite sue ad feodi firmam comperiens me per fide dignos et ex conscientia mea ipsos super jure dicte terre injuste interpellasse et indebite gravasse pro eo quod nullum jus post mortem patris mei in dicta terra habui propter quod sciatis me dedisse concessisse per fustum et baculum reddidisse omnino resignasse et inperpetuum quietum clamasse dictis religiosis omne jus et totum jus si quod mihi competiit competit seu aliquo tempore competere poterit in dicta terra cum pertinentiis Tenendam et habendam dictis religiosis inperpetuum libere quiete honorifice et pacifice ita quod ego nec heredes mei seu aliquis nomine nostro per nos seu pro nobis in dicta terra cum pertinentiis aliquod jus vel clameum de cetero exigere poterimus seu aliquo tempore exigemus Contra quam resignationem donationem et concessionem pro me et heredibus meis dictis religiosis factas ego seu heredes mei seu aliquis nomine nostro inperpetuum nunquam veniemus sed ipsas resignationes donationes et concessiones per me factas et pro heredibus meis ego et heredes mei ratificamus confirmamus et contra omnes warantizabimus acquietabimus et inperpetuum defendemus Et nihilominus quod contra premissa nullo tempore ego vel heredes mei veniemus tactis sacrosanctis evangeliis sacramentum prestiti corporale In cujus rei testimonium has litteras meas sigillo meo signatas eisdem tradidi patentes Datum apud Passeleth die Lune proxima post festum purificationis beate Marie Virginis anno gratie MCCC tertio Et quia sigillum meum minus est notum sigilla magistri Gilberti de Tempilton rectoris ecclesie de Rothirsai domini Hugonis de Sprakelyn vicarii ecclesie de Kylmacolm Willelmi filii Dusgalli et Johannis Stut presentibus apponi procuravi Datum ut supra
Source (click image below to view full size)
