Charter Document - 06190335

Omnibus Christi fidelibus presens scriptum visuris vel audituris Herbertus de Makiswel miles salutem in Domino sempiternam Noverit universitas vestra me dedisse concessisse et hac presenti carta mea confirmasse Deo et ecclesie Sancti Jacobi et Sancti Mirini de Pasleto et monachis ibidem Deo servientibus in liberam puram et perpetuam elemosinam et ab omni seculari servitio et demanda quietas et solutas octo acras et dimidiam et viginti octo perticatas terre in Nova villa de Mernes quas mensurari faciet que jacent inter has divisas videlicet sicut rivulus ecclesie transversatur altam viam que tendit de ecclesia de le Mernes ad Novam villam et sic ascendendo per illum rivulum ex parte aquilonali usque ad quendam lapidem stantem qui est in quodam viridi radio terre in le Crostflat et sic per illum viridem radium terre versus aquilonem usque in quendam sicum qui extendit se versus occidentem usque ad quendam lapidem stantem et ab illo lapide directe versus aquilonem usque in decursum sub capite unius fontis et sic per decursum illius fontis usque in Paddocford et abinde per altam viam usque ad rivulum prescriptum ecclesie trans versantem altam viam excepta terra ad domum de Torphechin pertinente infra predictas divisas Tenendas et habendas sibi et successoribus suis de me et heredibus meis inperpetuum adeo libere quiete et pacifice sicut residuum terre ecclesie de le Mernes liberius et quietius tenent et possident cum communibus aisiamentis prout hactenus habuerunt Propter octo acras et dimidiam et viginti octo perticatas terre quas habuerunt in territorio de le Alton quarum quinque acre et dimidia et viginti octo perticates terre jacent inter sicum qui est ad fines croftorum ex orientali parte ville de le Alton et inter sicum qui est ex occidentali parte de le Thorniflat descendendo in Kirkilgat et abinde in altam viam et tres acre jacent juxta lacum de le Aldton ex parte orientali que vocatur Spraginisflat quas mihi dederunt in permutatione octo acrarum et dimidie et viginti octo perticatarum terre prescriptarum hereditarie tenendas et possidendas Et obligo me et heredes meos et successores ad solutionem mille librarum sterlingorum predictis Abbati et conventui et eorum successoribus solvendarum pro dampnis suis et laboribus de plano et sine strepitu judiciali si aliquo tempore per nos vel aliquem nostrum super hanc donationem et permutationem predictis Abbati et conventui questio moveatur Et ego et heredes mei et successores hanc donationem et permutationem predictis Abbati et conventui contra omnes homines et feminas warantizabimus acquietabimus et inperpetuum defendemus Et ad majorem securitatem subposui et subpono me heredes meos et successores perpetue jurisdictioni et coercioni domini Episcopi Glasguensis qui pro tempore fuerit et capituli si sedes vacaverit ut alter ipsorum possit nos et quemlibet nostrum tam ad solutionem pecunie prescripte faciendam quam ad observationem hujus scripti in quolibet articulo per omnimodam censuram ecclesiasticam compellere ex sola inspectione hujus instrumenti sine alterius cause cognitione nullo impetrato vel proponendo obstante vel valituro In cujus rei testimonium presens scriptum sigillo meo unacum sigillo venerabilis patris domini Roberti Dei gratia Glasguensis episcopi feci roborari Hiis testibus domino Johanne et Alexandro fratribus meis dominis Willelmo et Bricio capellanis de Pasleto Johanne dicto Prid burgensi de Renfrw Alano de Fulton Willelmo de Knoc et aliis