Charter Document - 06190334
| Charter Number: | 06190334 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1282 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus sancte matris ecclesie filiis tam presentibus quam futuris Godefridus de Ros miles filius et heres domini Godefridi de Ros salutem in Domino sempiternam Noverit universitas vestra me concessisse et presenti carta mea confirmasse Deo et Sancto Jacobo et Sancto Mirino de Pasleto et monachis ibidem Deo servientibus et inperpetuum servituris illam terram in villa de Stewardton quam ex collatione bone memorie domini Jacobi de Ros tenent et possident Tenendam et habendam eis de me et heredibus meis in liberam puram et perpetuam elemosinam inperpetuum per easdem divisas per quas predictam terram hucusque tenuerunt et possederunt cum omnibus pertinentiis suis et cum libero introitu et exitu sibi et hominibus suis [inhabitantibus] predictam terram singulis annis in petaria ubi homines de Neuton petas suas fodiunt Et ut hec mea concessio et confirmatio perpetue firmitatis robur optineat presentem cartam meam sigillo meo feci roborari Datum apud Passeleth die Mercurii proxima ante purificationem beate Virginis Marie anno gratie MCCLXXX primo Hiis testibus dominis Willelmo et Chudberto capellanis Willelmo de Ros Johanne de Knoc Willelmo filio ejusdem Thoma de Fulton Alano filio ejus Johanne de Schaw et aliis
Source (click image below to view full size)
