Charter Document - 06190333
| Charter Number: | 06190333 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1204 - 1241 |
| Date type: | Assigned |
| Resource Link(s): |
People of Medieval Scotland |
Charter:
Universis Christi fidelibus presens scriptum visuris vel audituris Robertus filius Roberti de Polloc salutem in Domino Sciant tam presentes quam futuri me divine caritatis intuitu et pro animabus Walteri filii Alani et Alani filii sui et pro animabus Petri de Polloc et Roberti filii Fulberti et pro animabus omnium antecessorum meorum necnon et pro salute mei ipsius et uxoris mee et heredum meorum cum consensu et bona voluntate ipsorum dedisse et concessisse et hac presenti carta mea confirmasse Deo et Sancto Jacobo et Sancto Mirino et Sancte Milburge de Pasleto et monachis ibidem Deo servientibus in puram liberam et perpetuam elemosinam duodecim denarios de firma terre mee de Polloc sibi annuatim ad certos terminos percipiendos scilicet sex denarios ad Pentecosten et sex denarios ad festum Sancti Martini Ipsi etiam monachi me et heredes meos in fratres susceperunt et in omnibus bonis que per totum ordinem Cluniacensem fiunt vel fient inperpetuum participare nobis concesserunt Hiis testibus Luca capellano de Pasleto Rogerio diacono de Renfrw Waltero Russell portario Benedicto et Hugone clerico cognatis Prioris de Pasleto et multis aliis
Source (click image below to view full size)
