Charter Document - 06190332
| Charter Number: | 06190332 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1305 |
| Date type: | Internal, A.D. |
| Resource Link(s): |
|
Charter:
Universis sancte matris ecclesie filiis ad quorum notitiam presentes littere pervenerint Jacobus Senescallus dominus de Kylbrid salutem in Domino sempiternam Noveritis me divine caritatis intuitu et pro salute anime mee et anime Esabel uxoris mee et animarum omnium antecessorum et successorum nostrorum resignasse et sursum reddidisse pro me heredibus meis executoribus et assignatis religiosis viris Abbati et conventui monasterii de Pasleto ordinis Cluniacensis Glasguensis dioecesis omne jus et clameum que mihi competunt competierunt vel competere poterunt in futurum per heredes Thome de Freland quondam burgensis de Ruthglen vel alias quovis modo in illo tenemento quod vulgariter Thendehou nuncupatur jacenti in villa de Ruthglen in vico qui dicitur la Watryraw inter terram que dicitur Gelysland ex parte orientali ex parte una et terram Roberti Thomson ex parte occidentali parte ex altera Tenendum et habendum predictum tenementum dictis viris religiosis et eorum successoribus a me et heredibus meis meis executoribus et assignatis inperpetuum cum omnibus commoditatibus libertatibus et aisiamentis ad dictum tenementum spectantibus seu quovis modo spectare valentibus in futurum libere quiete integre et honorifice bene et in pace in omnibus et per omnia Nihil aliud mihi annuatim reddendo vel heredibus meis nisi orationum suffragia devotarum In cujus rei testimonium quia sigillum meum proprium est minus cognitum sigillum commune burgi de Ruthglen cum instantia presentibus apponi procuravi apud Ruthglen quarto decimo die mensis Octobris anno Domini MCCCC quinto
Source (click image below to view full size)
