Charter Document - 06190329
| Charter Number: | 06190329 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1280 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Memorandum quod die Mercurii proxima post festum Sancti Johannis ante portam Latinam anni gratie MCLXXX comparuit Eda quondam sponsa Stephani de Lithquow in plena curia Abbatis et conventus de Pasleto apud Renfrw quo die ibidem in libera viduitate sua de mera et spontanea voluntate sua dedit concessit et presenti scripto suo resignavit et quietam clamavit predictis Abbati et conventui illam terram que jacet contigua domui quondam Stephani Marschal versus orientem in villa de Renfrw quam prenominata Eda prius de predictis Abbate et conventu tenuit ad firmam cum omni jure quod sibi vel heredibus suis competit competiit vel competere potuit aliquo jure casu vel judicio contingentibus et cum omnibus pertinentiis libertatibus et aisiamentis ad predictam terram spectantibus seu de jure spectandis infra burgum et extra sine aliquo retine mento propter quandam pecunie summam sibi solutam tam ad sustentationem suam et liberorum suorum quam ad exonerationem debitorum Et ad sancta Dei evangelia sacramentum prestitit corporale quod in suo perpetuo nec per se nec per aliquem nomine sui contra hanc donationem concessionem resignationem et quietam clamationem in aliquo foro super dicta terra cum pertinentiis suis movebit questionem Et ne ceca oblivione depereat quod predictis die et loco factum est ad instantiam predicte Ede presenti scripto commune sigillum burgi de Renfrw unacum sigillo ipsius Ede est appensum Hiis testibus []
Source (click image below to view full size)
