Charter Document - 06190308
| Charter Number: | 06190308 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1265 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Clemens episcopus servus servorum Dei dilectis filiis Abbati et conventui monasterii de Passelet Cluniacensis ordinis Glasguensis dioecesis salutem et apostolicam benedictionem Meritis vestre devotionis inducimur ut vos illa prosequamur gratia quam vobis fore cognoscimus oportunam Sane petitio vestra nobis exhibita continebat quod olim inter bone memorie Walterum Glasguensem episcopum ex parte una et quondam Guilelmum Abbatem monasterii vestri ac vos filii conventus ex altera super taxatione vicariorum ecclesiarum ad monasterium ipsum spectantium Glasguensis dioecesis et statu ecclesiarum ipsarum materia questionis exorta tandem quondam Hugo archidiaconus Glasguensis ejusque college quorum ordinationi partes sub certa pena se super hoc submiserunt in quibusdam ecclesiarum ipsarum pensatis earum facultatibus diligenter taxaverunt perpetuas vicarias et ordinaverunt de consensu partium et capituli Glasguensis quod Sancti Nicholai de Prestwic burgo de Nelston et de Rusnith ecclesie predicte dioecesis ad ipsum monasterium spectantes juris patronatus vestri in usus vestros cederent ita quod in eis possetis per capellanos ydoneos facere de serviri prout in litteris inde confectis plenius dicitur contineri sicque vos in predictis Sancti Nicolai de Nelston et de Rusnith ecclesiis fecistis per triginta quinque annos et amplius per seculares capellanos absque presentatione vicariorum et adhuc sine lite facitis de serviri Nos itaque vestris supplicationibus inclinati ordinationem hujusmodi provide factam et a partibus sponte receptam ac pacifice sicut premittitur observatam ratam et firmam habentes eam auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Perusii x Kalendas Junii pontificatus nostri anno primo
Source (click image below to view full size)
