Charter Document - 06190304
| Charter Number: | 06190304 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1226 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Honorius episcopus servus servorum Dei dilectis filiis Abbati et conventui monasterii de Passelet Cluniacensis ordinis salutem et apostolicam benedictionem Cum membrorum gravamini caput condoleat et ex illorum afflictionibus perturbetur nos quieti vestre in vestrorum tranquillitate membrorum providere volentes auctoritate presentium districtius inhibemus ne aliqui episcopi vel officiales eorum subditas vobis ecclesias audeant in recipiendis procurationibus ultra taxatum in Lateranensi concilio personarum et evectionum numerum aggravare Nulli ergo omnino hominum liceat hanc paginam nostre inhibitionis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Reate ix Kalendas Februarii pontificatus nostri anno decimo
Source (click image below to view full size)
