Charter Document - 06190288
| Charter Number: | 06190288 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1227 - 1229 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus has litteras visuris vel audituris Willelmus miseratione divina ecclesie Glasguensis minister et Willelmus Abbas et conventus de Passelet eternam in Domino salutem Noverit universitas vestra nos de communi consensu elegisse magistrum Hugonem Archidiaconum Glasguensem Ricardum capellanum domini Regis Robertum precentorem Glasguensem magistrum Cristianum dominum Philippum de Perthec quorum provisioni et ordinationi nos subjecimus sub pena centum librarum super ecclesiis spectantibus ad monasterium de Passelet ut pax perpetua inter monasterium Glasguense [ecclesiam Glasguensem] et monasterium de Passelet per provisionem et ordinationem illorum observetur pars vero resiliens ad solutionem predictarum centum librarum tenebitur parti consentire volenti In cujus rei testimonium ego Willelmus episcopus Glasguensis huic scripto sigillum meum apposui et ego Willelmus abbas de Passelet sigillum meum privatum apposui et de ratihabitione conventus pro predicta pena tam fidejussore per Ranulph capellanum domini Regis et dominum Philippum de Perthec et Willelmum personam de Ireskyn
Source (click image below to view full size)
