Charter Document - 06190286

Universis Christi fidelibus presens scriptum audituris vel inspecturis magister Hugo archidiaconus Robertus precentor Glasgwensis Radulfus domini Regis Scotie capellanus magister Christianus clericus Philippus de Perthec rector ecclesie de Ruthreglen eternam in Domino salutem Cum controversia mota esset inter venerabilem patrem Walterum Glasguensem episcopum ex parte una et Willelmum Abbatem et conventum de Passelet ex altera super procurationibus exigendis de ecclesiis ad monasterium de Passelet in dioecesi Glasguensi [spectantibus] tandem dictus dominus Episcopus de capituli sui assensu et idem Abbas et conventus de Passelet in nos amicabiliter compromiserunt ut certas procurationes de ejusdem monasterii ecclesiis ad pacem utriusque partis perpetuam provida deliberatione taxare ac moderari deberemus Nos autem in nomine domini nostri Jesu Christi anno incarnationis ejusdem millesimo ducentesimo vicesimo septimo mense Novembris die Martis proxima ante festum Sancti Martini in ecclesia de Pebbles ad firmam pacem et stabilitatem perpetuam inter ecclesiam Glasgwensem et monasterium de Passelet post longam deliberationem super estimatione dictarum ecclesiarum habitam omnes in unum concordantes et solum Deum pre oculis habentes providimus et ordinavimus ac etiam arbitrando pronunciavimus moderando Videlicet quod de omnibus ecclesiis ad predictos monachos in Strathgris tunc spectantibus Episcopus Glasgwensis et ejus successores duo tantum hospitia nomine procurationis recipiant in loco Episcopis competentiori de ecclesia de Kilpatrik unum habeant hospitium nomine procurationis de ecclesiis vero de Curmannoc et Merness unum habeant hospitium nomine procurationis de ecclesiis vero de Ruthreglen de Kathkert de Polloc unum habeant hospitium nomine procurationis de ecclesiis vero de Cragyn et de Prestwic monachorum unum hospitium habeant nomine procurationis de ecclesia vero Turnberi habeant unum hospitium nomine procurationis ecclesia autem de Prestwic burgi ecclesia de Nelston et ecclesia de Neuith a procurationibus sint exempte De predictis vero procurationibus et de omnibus oneribus ad que ipse ecclesie tenentur de jure earum vicarii respondeant Et quia videbatur nobis in hujusmodi moderatione in aliquibus Episcopo [de peiorare] in recompensationem hujusmodi detrimenti ordinavimus ut ecclesia de Yrskin que tunc ad dictum monasterium de Passelet pertinebat in usus cedat Episcopi Glasguensis et ejus successorum et pensionem duarum marcarum que ex ipsa ecclesia monasterio solvebatur percipiet Episcopus donec eadem ecclesia vacaverit Hanc siquidem ordinationem seu provisionem per nos factam dominus Episcopus et capitulum Glasgwense et predicti Abbas et conventus acceptaverunt et perpetuam habere promiserunt Et ut presens ordinatio ab utraque parte fideliter approbata et gratis recepta firma maneat et inperpetuum inconcussa dominus Episcopus et capitulum Glasgwense et Abbas et conventus supradicti huic scripto in modum chyrographi confecto sigilla sua alternatim apposuerunt et nos predicti taxatores sigilla nostra apponi fecimus utrique parti ejusdem chyrographi Actum anno mense die et loco prescriptis Prebentibus magistro Ricardo de Brade et Ricardo de Eywde canonicis Glasguensibus Ada et Hugone capellanis domini Episcopi Glasguensis Stephano capellano Archidiaconi Glasguensis Johanne capellano et vicario de Pebbles magistro Engelrino Warino Waltero Andrea clericis dicti Episcopi et multis aliis